السلام عليكم
اولا جزاك الله كل خير عن المعلومه
بس حضرتك مش وافيت بكل المعلومات عنها يعني عايزه حد فاض ولا ينفع اكون بشتغل مواعدها من امتي لامتا اكيد كل ده محتجاه قبل ما اسجل
وجزاك الله كل خير

أولا انا مش شغال فى الوزاره علشان اعرف التفاصيل دى
ثانيا لم يتم ارسال المعلومات كفة لانهامسجله فى الجرنالوبعدما تعبت وعثرت عليهاحبيت انقلها ليكم وقدم وخلاص فى ملايين مقدمه وعندما لا تناسب ظروفك لا تكمل الطريق

[B][FONT="Arial Black"][SIZE="4"]بالنسبة للمراكز اللي في المنصورة يا جماعة أنا كنت أخدت كورس


icdl


في مركز إسمه فيرجيتك في تقاطع شارع جيهان مع شارع الخلفاء الراشدين ( الترعة سابقا ) و بصراحة أن مش بنصح بالمركز ده أبدا لأن التعامل هناك سئ جدا لأبعد حد و الإهمال هناك هو الطبيعي فعادي جدا إنك تدخل ما تلاقيش أي حد موجود علشان يجاوبك و عادي جدا إنك تتصل بيهم مليون مرة في اليوم و محدش يرد عليك و عادي جدا إنهم يعاملوك بأسلوب سئ جدا و المدير بتاع الفرع شاب عنده حوالي 30 سنة بس مش فاكر إسمه إيه بصراحة المهم إنه مالوش في الإدارة أصلا و الله أنا مش بعيب فيه بس لما يكون مدير الفرع بالشكل ده يبقى اللي شغالين في الفرع نفسه شكلهم إيه ؟


دا غير إن الفرع نفسه مبهدل آخر بهدله من أول اللابات بتاعة الكورسات لحد الكراسي اللي الواحد بيقعد عليها فعادي جدا إنك تدخل اللاب تلاقي نص أجهزة الكمبيوتر خربانة خصوصا إنها أجهزة قديمة جدا و عمرها يمكن أكتر من 8 سنين و عادي جدا إنك تلاقي التكييف خربان و مش بيشتغل في عز الحر ده يعني إحنا مثلا في الجروب بتاعنا غيرنا اللاب أكتر من 4 مرات بسبب إن الأجهزة خربانه و التكييفات مش شغالة دا غير منتهى المهزلة اللي حصلت لما بلغنا الإدارة بشكوانا كان الرد علينا ما معناه : هو ده اللي عندنا و اللي مش عاجبه يشرب من البحر و لما طلبنا سحب فلوسنا قالولنا إنهم هيخصموا تقريبا حوالي نص المبلغ و يرجعولنا النص التاني رغم إننا ما أخدناش غير 4 مرات بس في الكورس ده و كل ده و سعرهم أغلى بكتير من أسعار السوق.


مركز يات :
واحد من أفضل المراكز اللي موجودة في المنصورة و التعامل هناك بيكون بإحترام و أسعارهم كويسة جدا بس المشكلة بتاعتهم إن معظم المدربين بيكونوا من النوع اللي بيشتغل بالكورس بمعنى إنه بيدرس الكورس و ياخد فلوسه و يمشي يعني مش متعين في المركز نفسه و ده بيأثر على جودة الشرح هناك لكن بالنسبة للمعامل و الإدارة فهما بصراحة على أعلى مستوى بس مقدرش أحدد مستواهم هيكون إيه في منحة التدريب المتخصص لأن المدربين زي ما قلت بيشتغلوا بالكورس

مركز نيو هورايزونز :
بيعتبر أحسن مركز تدريب و تعليم في المنصورة على الإطلاق الإدارة ممتازة و الناس متعاونين و مؤدبين جدا و كلهم على مستوى عالي من الخبرة لكن فيه عيب واضح لكل الناس و هي إن أسعارهم غالية جدا يمكن تكون زي أسعار فيرجي تك أو أعلى شوية و ده عيب مش سهل لأنك لما تحب تاخد كورس متخصص على حسابك هناك هتلاقي نفسك بتدفع مبلغ كبير جدا لكن أعتقد إن الحكاية دي مش هتأثر في منحة وزارة الإتصالات لأنها أصلا ببلاش

مركز ألفا تلك:
بيعتبر واحد من المراكز الجديدة في المنصورة لكن مستواه مش عالي . هو مجرد مركز عادي جدا و الإدارة هناك مش كويسة و الإهمال هناك كتير جدا و دايما تسمع صوت مديره و هو بيزعق و ده بيديك إنطباع إن الناس اللي شغاله في المركز مش بيعملوا شغلهم كويس لكن بصراحة أنا ما أخدتش فيه كورسات لكن شفت المعامل لما كنت بسأل عن الأسعار هناك و المعامل كويسة جدا و جديدة و أسعاره ممتازة جدا لكن ما ننساش ناخد بالنا إنه مركز لسة جديد و مش موثوق فيه بالنسبة للكورسات المتخصصة زي كورسات الشبكات لكن ممكن نعتمد عليه في كورسات زي ال
ICDL

لو عند أي حد في حضراتكم رأي ياريت يشاركنا بيه علشان نستفيد كلنا[/SIZE][/FONT][/B]

المنحة السنة دي تتطلب التفرغ التام و عدم العمل أثناء المنحة

شكراللجميع ونتمنى تفاعل المزيد من الاعضاء