أولا لازم تكون حابب المهنه دى ويكون عندك نوع من الصبر لان برامج الجرافيك كتيره وأدواتها كتير ، تانى حاجه لازم تعرفها انك ناوى تشتغل على برامج 2d ولا برامج 3dلان ده هيفرق معاك كتير أو ممكن تشتغل الاثنين معا وطبعا الارجح انك لازم تدرس البرامج 2d الاول لان بالاتأكيد هتحتاجها فى برامج 3d
طيب برامج 2d دى كتير ومن اشهرهم برنامج photoshop باصداراته المختلفه وبرده برامج الفيكتور ( البرامج التى مهما تعملها تكبير لا ينكسر المنظر و يكون غير واضح) ومن أمثلتها Adobe Illustrator , freehand , corel draw وطبعا فى برامج كتير غير دول بس المهم انت تحدد هدفك الاول انت ناوى تدرس ايه االاول واذا كنت افضل اولا الفوتوشوب لانه ممكن بمفرده يعمل أشياء رائعه أما البرامج الاخرى تستخدم فى عملية الطباعه وفصل الالوان وطبعا انت بالبرامج دى ممكن تصمم مجلات وكروت شخصيه وفولدرز وبروشورات وأغلفة الكتب وكتير من الاشياء المستخدمه بالاعلانات
أما برامج 3d تستخدم فى التقنيات ثلاثية الابعاد كما نرى فى الالعاب وأفلام الخيال العلمى وأشهر برنامجين هما 3dmax , maya وطبعا كل واحد بيستخدم البرامج دى حسب تخصصه يعنى المهندسين بيستخدموا برنامج autocad فى رسم التخطيطات الهندسيه ثم بعد ذلك يقوم بعمل التصميم الثلاثى الابعاد على برنامج 3d max أما اصحاب الاخراج السنمائى يقوموا مثلا بتصميم الشخصيات على برنامج 3dmax بعد ذلك يقوم بالتعامل مع maya طبقا لما يقوم به من أشياء رائعه
وطبعا زى ما قلت انت اللى بتختار انت نفسك تكون ايه وناوى تشتغل فى ايه هو ده الهدف اللى بتمشى وراه بس الاول لازم تبدأ من الصغير حتى الكبير
بس لازم يكون عندك طموح ولازم عملية التطبيق على كل درس بتدرسه لانك لو ماطبقتش البرامج دى بتتنسى بسرعه من كثرة الادوات المستخدمه فيها
وفى الاخر اعرف ان ما فيش شئ مستحيل وانى انت الافضل

كتبه أ.م / تامر نصر