السلام عليكم
لو إنت زي حالاتي كده وعندك كذا ايميل على جوجل وكلهم مهمين ، ومش عايز توجع دماغك وتفضل تدخل على كل واحد عشان تتابع الرسايل
عندي حل لك

الحل ببساطة إنك تخلي الايميلات كلها تحول اي رسالة جاية ليها تحولها على بريد واحد بس انت متابعه
مثال:
لو عندي اربع ايميلات:
email1@gmail.com
email2@gmail.com
email3@gmail.com
email4@gmail.com

مكن تخلي الايميلات التلاتة يبعتو أي رسالة توصلهم للايميل الاول. وبكده مش هدخل غير على الايميل الاول فقط.

الطريقة سهلة ، وكالعادة مش سحر ولا شعوذة
الخطوات كالتالي:
1- قم بتسجيل الدخول للبريد اللي عايز تحول الرسايل منه
2- ادخل على settings أو الاعدادات
3- ادخل على التبويب Forwarding and POP/IMAP أو إعادة التوجيه والوصول عبر
4- اضغط على زر  add forwarding address أو "إضافة عنوان إعادة توجيه"
5- اكتب عنوان البريد اللي هتحول الرسايل عليه
6- اضغط next هيطلع لك رسالة تخبرك بأنه تم ارسال كود التأكيد ، وهتلاقي ظهر خانة جديدة عشان تحط فيها الكود ده
7- ادخل على البريد اللي الرسايل هتتحول عليه هتلاقي في رسالة موجودة فيها كود تأكيد ، انسخ الكود وارجع تاني للبريد اللي هتحول الرسايل منه وحط الكود في الخانة.
8- اضغط verify
9- هيظهر لك انه تم اضافة البريد وهيظهر لك خيارين: اختار الخيار ده:
اعادة توجيه نسخة من البريد الوارد إلى ................  واحتفظ بنسخة Gmail في البريد الوارد
10- اضغط "حفظ التغييرات" save changes

مبروك ، أي رسالة هتوصلك على البريد2 هتتحول للبريد1
ممكن تكرر الخطوات دي مع عدد لا نهائي من الايميلات